CEYN OSTİN YARADICILIĞINDA QƏHRƏMANLARIN NİTQİNİN ÜSLUBİ XÜSUSİYYƏTLƏRİ
Journal Title: Ancient Land - Year 2024, Vol 6, Issue 6
Abstract
Xülasə Məqalədə XIX əsr İngiltərəsinin məşhur feminist yazıçısı Ceyn Ostinin roman qəhrəmanlarının nitq xüsusiyyətləri onun üslub spesifikliyi müstəvisində tədqiq olunur. Yazıçının əyalət kübar cəmiyyətinin üzvlərinin danışıq maneralarını aydınlaşdırmaqla dövrün dil mənzərəsini yaratmaq cəhdləri aşkara çıxarılır, bədii əsərdə personajların xarakterlərini onların öz nitqlərinin köməyi ilə təqdim etmək üslubu təhlilə cəlb olunur. Aydın olur ki, bədii əsərin qəhrəmanları üçün səciyyəvi olan keyfiyyətlər onların nitqində ifadəsini tapır. C. Ostin yaradıcılığı üçün xarakterik olan üslubi məqamlardan biri də dialoji və monoloji nitqlərin növbələşməsi, bəzi hallarda daxili nitqin ünsiyyət prosesində formalaşmasıdır. Janr eyniliyinə görə bir sıra üslubi xüsusiyyətlərin ümumiliyi, dövrün dil, danışıq tərzinin ümumiliyi və sosial qruplara görə fərqliliyi, nəhayət, mövzunun yaxınlığı, bütün bunlar üslubi tədqiqatlarda spesifikliklə ümumiliyi əlaqələndirir. C. Ostin yaradıcılığı da bir çox parametrləri ilə seçilir, spesifiklik qazanır. Əvvəla, o, qadın yazıçıdır və romanlarının əsas qəhrəmanları qadınlar, qoyduğu məsələlər qadın həyatı, məişəti ilə feminizmlə sıx bağlılığa malikdir. İkincisi, o, ilk dəfə olaraq, əyalət kübar cəmiyyətinin, onun üzvlərinin həyat tərzini, məişətini, normalarını bir mövzu kimi ortaya atmış, müxtəlif romanlarında bu mövzunun fərqli aspektlərini də işıqlandırmağa çalışmışdır. Üçüncüsü, Ceyn Ostin XIX əsr viktorian dövrü İngiltərəsindəki dil mənzərəsini əyalət kübar cəmiyyəti üzvlərinin nitq sistemi kimi ortaya qoymuş, centri dili, centri üslubunu müzakirə və təhlil müstəvisinə çıxara bilmişdir. Dördüncüsü, C. Ostin əyalət kübar cəmiyyətində qadın və kişi dili, qadın-qadın, qadın-kişi ünsiyyət sisteminin incəliklərini, qadınlararası və kişilərarası dialoqların xüsusiyyətlərini, daxili nitqin özəlliklərini açmağa çalışmış və ya bunun üçün ən azı kifayət qədər geniş material yaratmışdır.
Authors and Affiliations
Sevinc Mahmudova, Ruzanə Süleymanova, Məlaikə Xudaverdiyeva, Sevinc Tağıyeva, Anna Gruzina,
Keywords
Related Articles
- EP ID EP747761
- DOI 10.36719/2706-6185/36/23-28
- Views 38
- Downloads 0
MODELING THE PROCESS OF EVALUATION OF INFORMATION SECURITY RISKS BY THE APPLICATION OF COMPUTER MATHEMATICAL SYSTEMS
Abstract Problem solving on the computer first of all involves formulating the problem statement, choosing a solution method, and developing a mathematical model of the solution. The sequential execution of the consid...
Ali məktəblərdə kimyanın tədrisində laboratoriya dərslərinin rolu
Xülasə Gələcəkdə müəllim olacaq tələbə namizədlər üçün laboratoriya bacarıqlarına sahib olmaq çox vacibdir. Ona görə də tələbələrin laboratoriyadan istifadə səviyyəsinin artırılması məsələsi professor-müəllim heyəti...
REVIEW OF MODERN EDUCATIONAL MATERIALS IN THE CONTEXT OF DEVELOPING LINGUISTIC AND CULTURAL COMPETENCE AT THE INITIAL STAGE OF LEARNING THE GERMAN LANGUAGE
Abstract The review of contemporary educational materials in the context of developing linguistic and cultural competence at the initial stages of learning the German language emphasizes not only the importance of eff...
KOQNİTİV MODELLƏŞMƏ
Xülasə Məqalə koqnitiv dilçilikdə əsas anlayışlardan biri olan koqnitiv modelləşmə və kateqoriyalaşma məsələsinə toxunmuşdur. Qeyd olunur ki metafor və metonimiya əsas koqnitiv mexanizmlərdir, bununla yanaşı koqnitiv...
İNNOVATİV SOSİAL-İQTİSADİ İNKİŞAF VƏ NAXÇIVAN MUXTAR RESPUBLİKASINDA ONUN TƏTBİQ İSTİQAMƏTLƏRİ
Xülasə Məqalədə Naxçıvan Muxtar Respublikasının sosial-iqtisadi inkişafından bəhs olunmuş, muxtar respublikada iqtisadiyyatın inkişafının davamlılığının təmin edilməsi, infrastrukturun və sosial xidmətlərin daha da ya...